Meðan á talningu atkvæða stendur er þeim niðurstöðum stöðugt miðlað til helstu fréttamiðla eins og ABC, CBS, CNN, NBC og fleiri. Þessum upplýsingum frá öllum ríkjum Bandaríkjanna er safnað saman og miðlað af einu fyrirtæki, Edison Research. Eins og alþekkt er, var gert hlé á talningu atkvæða samtímis í nokkrum lykilríkjunum um kl. 22 – 23 að staðartíma á kosningakvöldið. Á sama tíma hófst afar undarleg atburðarás á miðlun kosningatalna hjá Edison Research. Lýsing á því gengur undir nafninu „Edison Zero“. og hefur birst á vefsíðum sem línurit yfir atkvæðatölur í tímaröð. Klukkan 23:10 kosningadaginn 3. nóvember er búið að telja 87 milljónir atkvæða og Trump með forystu. Hlutfallið Trump/Biden er 108,5 en hrapar niður í 97,4 á næstu 30 mínútum. Þá hafa verið talin 108 milljónir atkvæða.
Þetta þýðir að hlutfallið Trump/Biden hefur verið 61,5 af þessum 21 milljónum viðbótaratkvæðum. Á næstu 4 til 5 klukkustundum hrynur þessi talning atkvæða úr 108 milljónum niður í núll. Miðlun talninga virðist því hafa verið núllstillt í öllum ríkjum Bandaríkjanna hjá Edison Research.
Þetta má sjá nánar á https://magaraccoon.com/nationalzero.html
Frá þessari stundu líða fimm sólarhringar þar til birting atkvæðatalna hjá Edison Research er komin á rétt ról.

Önnur aðferð til að greina hvernig talning atkvæða gekk fyrir sig , er að kalla eftir atkvæðafærslum á rafrænu formi (Cast Vote Records) frá einstökum sýslum eftir kosningarnar. Almenningur á rétt á þessum upplýsingum, sem ekki má farga fyrr en 22 mánuðum eftir kosningar. Þessi möguleiki virðist almennt ekki hafa verið uppgötvaður fyrr en á árinu 2022. Með harðfylgi ýmissa aðila tókst að ná þessum gögnum fyrir um það bil einn þriðja af öllum sýslum Bandaríkjanna. Sérfræðingar eins og .t.d Jeff O´Donnel, Draza Smith og Walter Daugherity komu þessum atkvæðafærslum upp í línurít sem sýna hvernig hlutfall atkvæða helstu tveggja forsetaframbjóðenda þróuðust eftir því sem á talninguna leið. Þessi línurit þeirra sýna fram á að opinberar niðurstöður kosninganna eru augljóslega búnar til með reikniriti (algorithm) í tölvu, eins og sjá má hér að neðan.